"Cor Val Fassa: musega e tradizion ladine"

L Cor Val Fassa l'é nasciù del 1970, canche 'n grop de amisc e pascioné de cianties da mont à dezidù de ge dèr na viesta istituzionèla a sia pascion; l Cor Val Fassa l'é nasciù coscì a na vida scempia, gustégola e spontana. Da enlouta l'à seghità so lurier e l'à regoet na zopa de sodisfazions emportantes, no demò te val, ma ence te la region e a la foresta. Da recordèr che del 2001 l'é jit en Germania per la Federazion di cores e del 2002 a Viena per la manifestazion de l'Avent. Tel Cor Val Fassa l'éte presciapech 35 ciantores che vegn da desvalives paìjes de la val, l'é stat cernù chest inom, "Val Fassa", apontin per esser l sìmbol de na prejenza sentuda mìngol daperdut te la val. Estra l repertorie tradizionèl de ciantes popolères e da mont ge vegn dat na atenzion particolèra al studie e a la valuta de la cianties per ladin. Del 1995 l'è stat fat na musicasseta dal tìtol "Nosha val". Da la fin del 1998 l Cor l'é ret dal joen maester Stefano Vaia, che con so ensegnament l'à portà n gran miorament e mudament a dut l grop. L president del cor dal 1998 l'é Vittorio Trottner. Chest an l Cor Val Fassa l compes 35 egn e par l'ocasion l'a metù 'nsema 'n nef CD dal titol "Soreghina" che 'l bina 'nsema le più bele cianzon de so repertorie.